Жорий йилнинг 27 сентябрь куни Европа тикланиш ва тараққиёт банкининг Озарбайжондаги ваколатхонаси собиқ раҳбари, ўзбекистонлик Камола Маҳмудова 48 ёшида Лондонда вафот этгани хабар қилинганди.
Камол Маҳмудова хотирасига бағишлаб “Эзгу амал” жамғармаси ҳамда Европа тикланиш ва тараққиёт банки Ўзбекистонда саратон касаллигига чалинган болаларни даволаш учун маблағ йиғиш бўйича тадбир ўтказишга қарор қилди. Шу муносабат билан 6 ойлик маблағ йиғиш кампанияси эълон қилинди.
Европа тикланиш ва тараққиёт банки фонд учун йиғилган маблағни 50 000 еврогача оширади.
Хайрияда юридик ва жисмоний шахслар иштирок этиши мумкин. Барча маълумотлар Европа тикланиш ва тараққиёт банкининг Facebook’даги расмий каналида эълон қилинган.
Камола Маҳмудова 1976 йил Тошкентда туғилган. У Кhan Аcаdеmy, “Эзгу амал”, “Яшил Бухоро” каби бир қатор таълим, ижтимоий ва хайрия лойиҳаларининг ташаббускори ҳамда фаол иштирокчиси эди. У 25 йил давомида Европа тикланиш ва тараққиёт банкида фаолият кўрсатиб келган.
Шавкат Мирзиёев 2020 йилда Камола Маҳмудовани хизматлари учун “Дўстлик” ордени билан тақдирлаган.
“Ўзбекистонлик” фильмининг хорижда муваффақият қозонган ўзбеклар ҳақидаги эпизодларидан бири Камола Маҳмудовага бағишланган эди.
Изоҳ (0)