Eron chegara politsiyasi qo‘mondoni, brigada generali Ahmad Ali Gudarzi mamlakatning sharqiy chegaralarida xavfsizlikka tahdidlarni kamaytirish uchun to‘siqlar qurish boshlanganini ma’lum qildi. Bu haqda Eghtesaad24 xabar berdi.
Eronning Pokiston va Afg‘oniston bilan chegaralarida mamlakatga giyohvand moddalar savdosining 80 foizi to‘g‘ri keladi. Bu Eron xavfsizlik xizmatlarining hisob-kitoblariga asoslanadi. Bundan tashqari, loyihaning maqsadi yonilg‘i va tovarlar kontrabandasi, shuningdek, noqonuniy migratsiyaning oldini olishdan iborat.
Siston va Balujiston hamda Xuroson-Rizoziy viloyatlarida qurilish ishlari allaqachon boshlangan, dedi Ahmad Ali Gudarziy.
Keyinchalik Ilam, Kurdiston va G‘arbiy Ozarbayjon viloyatlarida to‘siqlar quriladi. Sentyabr oyida Eron Afg‘oniston bilan chegarada 10 kilometrlik beton devor qurilishini yakunladi. Qurilish may oyida e’lon qilingan, yana 50 kilometr qurilishi rejalashtirilgan. To‘siq Xuroson-Razaviy viloyatida qurilgan bo‘lib, Eron rasmiylariga ko‘ra, afg‘on qochqinlari eng ko‘p shu chegaradan o‘tadi. Eron va Afg‘oniston o‘rtasidagi chegaraning umumiy uzunligi 950 kilometrni tashkil etadi.
Izoh (0)