Qashqadaryo viloyati Ko‘kdala tumanida Lacetti va Nexia to‘qnashishi oqibatida to‘rt kishi vafot etdi.
Viloyat YHXB matbuot xizmatining ma’lum qilishicha, YTH soat 21:40 larda Ko‘kdala—Kattaqishloq avtomobil yo‘lining 10-kilometrida sodir bo‘lgan. Lacetti avtomobili qarama-qarshi yo‘nalishga chiqib ketib, Nexia bilan to‘qnashgan. Oqibatda 8 kishi jarohatlangan.
Lacetti’da besh kishi bo‘lgan, ulardan uch nafari vafot etgan. Ular 1998-yilda tug‘ilgan, barchasi sinfdosh bo‘lgan.
Nexia avtomashinasidagi old o‘rindiqda o‘tirgan yo‘lovchi shifoxonada vafot etgan. Haydovchi va yana ikki nafar yo‘lovchi esa shifoxonada davolanmoqda. Ularning ikki nafari jonlantirish bo‘limida.
Bundan avval Surxondaryoda ikki avtomobil to‘qnashishidan 19 yoshli uch sinfdosh vafot etgandi.
Izoh (0)