Munisa Rizayeva Instagram’dagi sahifasi orqali birinchi farzandini nima sababdan aynan Argentinada dunyoga keltirishga qaror qilgani haqida so‘zlab berdi.
“Nima sababdan 7 oylik qornim bilan Argentinaga ketdim? Birinchidan, Argentinaning tibbiyot darajasi dunyo bo‘yicha 33-o‘rinda turadi. Ikkinchidan, Argentinaning kattaligi sabab bu yerda har xil madaniyatlar va har xil ob-havoni ko‘rish mumkin. Uchinchidan esa, hamma bilgan Messi, Maradona, steyk, folklor musiqa, Buenos Ayresning g‘ayritabiiy ko‘cha san’ati haqida bilish menga ham qiziq bo‘ldi. To‘rtinchi va asosiy sabab bu — turmush o‘rtog‘imning xohishi bo‘ldi”, deydi Munisa Rizayeva.
Xonanda Argentinaga parvoz jarayoni ham oson kechmagani haqida to‘xtalib o‘tdi.
“Endi esa parvoz haqida ikki og‘iz: umumiy hisobda Buenos Ayresga salkam bir sutka parvoz qildik. Tasavvur qilyapsizmi? Katta qorin, bitta o‘rindiq va 22 soat! Ayni damda hammasi yaxshi. Rostini aytaman: oson bo‘lmadi, lekin biz buni uddaladik”, deydi Munisa.
Munisa Rizayeva farzandini noyabr oyining oxirida dunyoga keltirishini ham aytib o‘tgan.
Munisa Rizayeva nima sababdan farzandini Argentinada dunyoga keltirishga qaror qilgani haqida gapirdi
Mavzuga doir
×![Lightbox Image]()
Izoh (0)