Eron parlamenti deputati Hasanali Exlaki Amiriy yadroviy qurol ishlab chiqishga qo‘yilgan taqiqni olib tashlashga chaqirdi. Bu haqda ISNA xabar berdi.
Deputat Eron Milliy xavfsizlik oliy kengashidan mudofaa doktrinasini qayta ko‘rib chiqishni so‘radi. U o‘z taklifini tushuntirar ekan, Isroil xalqaro huquqning har qanday aqlbovar qilmaydigan me’yorlarini buzgan holda ish tutayotgani, G‘arb davlatlari buni jilovlay olmasligini aytdi.
Bunday sharoitda Eron xavfsizligi yanada keskin choralarni talab qiladi, dedi deputat.
Shu paytgacha Eron rejimi oliy rahnamoning yadro qurolini ishlab chiqarishni man etuvchi fatvosiga tayanib kelgandi. Biroq Amiriyning o‘zi hujjatul-islom unvonidagi diniy ulamolardan bo‘lgani uchun uning tashabbusi fatvoni zarurat tug‘ilganda qayta ko‘rib chiqish mumkinligini ko‘rsatmoqda.
Izoh (0)