Xonanda Zohida Umarova “Mirsodiqova bilan” YouTube kanaliga bergan intervyusida O‘zbekiston madaniyat vaziri Ozodbek Nazarbekovning 17 yoshli qizini 31 yoshli o‘g‘li Yorqinxo‘jaga qanday kelin qilgani haqida so‘zlab berdi.
“Men Yorqinxo‘ja bilan Zinnuradan alohida yashayman. Kelinimning onasi Nazokatxon har kuni qo‘ng‘iroq qilib, ‘Zohida opa, oldilarida bo‘ling’, deydi. Ular bir-biriga juda yaxshi o‘rganyapti, ertaga farzandli bo‘lsa, yoshlarning orasi ozgina qochadi. Farzandli bo‘lguncha bir-biriga to‘ysin, deyman. Zinnura hozir 17 yoshda, o‘g‘lim bilan oralari 14 yosh. Yorqinxo‘ja kelinimni ko‘rmagan-ku, bugun aytadi: “Ayajon, ko‘rish shart emas ekan. Aqli, farosati bo‘lsa bo‘ldi ekan. Bu mening komplekt muhabbatim”, deydi. Kelinim ham islom dinini sof qabul qilib, o‘g‘limga nikohgacha o‘zini ko‘rsatmaganiga rahmat”, — deydi Zohida Umarova.
Shuningdek, Zohida Umarova madaniyat vaziriga kuyov bo‘lgan Yorqinxo‘ja o‘z navbatida otalik ham bo‘lgani haqida gapirdi.
“Hozir Yorqinning baxti nimada, bilasizmi? Bir kun o‘ziga aytdim: Yorqinxo‘ja, ota muborak, bolam”, dedim, Alloh muborak qilsin. Shu gapni o‘zi yetarlida. Ozodbek ota bo‘ladigan bola, shunaqa yigitda u. Yana rahmat, kichkina qizini Yorqinxo‘jaga ishondi. Odamlar qaniydi, yaxshi izoh yozsa, bolam otasiz o‘sdi-ku? Yorqinxo‘ja hech kimni ‘dada’ deb chaqira olmadi. Odamlar uning qalbini tushunmasdan turlicha izoh yozsa, ularga ‘Demak, sizning qalbingiz biznikiga o‘xshamas ekan’ degim keladi”, — deydi Zohida Umarova.
Zohida Umarova kelini qanchalik mehribon va aqlli qiz ekanligini ham ta’kidladi.
“Zinnura juda ham ko‘zi to‘q qiz. U o‘zining tilla taqinchoqlarini ham, Yorqinxo‘ja ishlab kelgan pullarni ham tiyin-tiyinigacha menga olib chiqib beradi. ‘Ayajon, siz uyimizni boshisiz, sizda tursin’, deydi. O‘z bolamning esidan chiqqan payti, o‘g‘limga qo‘ng‘iroq qilib ‘Ayamga qo‘ng‘iroq qildingizmi?’, ‘Ayamga buni qilib berdingizmi?’ deb tergab turadi. Qayerdan buncha aql va farosat deb lol qolaman”, — deydi Zohida Umarova
Izoh (0)