Qozog‘istonning Aqto‘be viloyatida yashovchi fuqaro ichki organlarini 9 million tengega (18,8 ming dollar) sotmoqchi bo‘ldi. Bu haqda “Sputnik.kz” xabar berdi.
Qayd etilishicha, mazkur fakt viloyat prokuraturasi internet tarmog‘ini kuzatish chog‘ida aniqlangan, shundan so‘ng erkak qo‘lga olingan.
“2024-yil 25-sentyabr kuni prokuratura organlari tomonidan o‘tkazilgan tezkor-qidiruv tadbirlari doirasida Uyushgan jinoyatchilikka qarshi kurashish boshqarmasi xodimlari tomonidan o‘zining ichki organlarini jami 9 million tengega sotish bo‘yicha noqonuniy bitim tuzmoqchi bo‘lgan fuqaro E. qo‘lga olindi”, deyiladi xabarda.
Mazkur holat yuzasidan Qozog‘iston Jinoyat kodeksining 116-moddasi 1-qismi bilan sudga qadar tergov harakatlari olib borilmoqda.
Izoh (0)