Қозоғистоннинг Ақтўбе вилоятида яшовчи фуқаро ички органларини 9 миллион тенгега (18,8 минг доллар) сотмоқчи бўлди. Бу ҳақда “Sputnik.kz” хабар берди.
Қайд этилишича, мазкур факт вилоят прокуратураси интернет тармоғини кузатиш чоғида аниқланган, шундан сўнг эркак қўлга олинган.
“2024 йил 25 сентябрь куни прокуратура органлари томонидан ўтказилган тезкор-қидирув тадбирлари доирасида Уюшган жиноятчиликка қарши курашиш бошқармаси ходимлари томонидан ўзининг ички органларини жами 9 миллион тенгега сотиш бўйича ноқонуний битим тузмоқчи бўлган фуқаро Э. қўлга олинди”, дейилади хабарда.
Мазкур ҳолат юзасидан Қозоғистон Жиноят кодексининг 116-моддаси 1-қисми билан судга қадар тергов ҳаракатлари олиб борилмоқда.
Изоҳ (0)