APL. “Liverpul” o‘zida “Manchester Yunayted”ga javobsiz 7 ta gol urdi

Futbol bo‘yicha Angliya Premyer Ligasining 26-turida “Liverpul” va “Manchester Yunayted” jamoalari 5-mart, yakshanba kuni o‘zaro to‘qnash keldi.

Uchrashuvning birinchi bo‘limi teng kurashlar ostida o‘tdi va har ikki jamoada qator imkoniyatlar yuzaga keldi. Tanaffus arafasida Kodi Gakpo mersisaydlarni oldinga olib chiqdi. Ikkinchi bo‘lim boshida Darvin Nunyesning aniq zarbasidan keyin hisob 2:0 ko‘rinishini oldi.

Oradan ko‘p o‘tmay Gakpo dublni rasmiylashtirgan holda hisobni yiriklashtirdi. 66-daqiqada Muhammad Saloh jamoasining to‘rtinchi golini urdi. 75-daqiqada Nunyes qanotdan uzatilgan to‘pni boshi bilan darvozaga joylab qo‘ydi.

83-daqiqada Saloh ham ikkinchi golini urdi. 88-daqiqada Roberto Firmino yakuniy hisobni o‘rnatdi — 7:0.

Premyer Liga jadvali quyidagi ko‘rinishni oldi:

APL

26-tur bahslari

5-mart, yakshanba

“Liverpul” – “Manchester Yunayted” 7:0

Gollar: 1:0 – 43 Gakpo, 2:0 – 47 Nunyes, 3:0 – 50 Gakpo, 4:0 – 66 Saloh, 5:0 – 75 Nunyes, 6:0 – 83 Saloh, 7:0 – 88 Firmino.

“Liverpul”: Alisson, Aleksander-Arnold, van Deyk, Konate, Robertson, Henderson (Baychetich, 78), Fabinyo (Milner, 79), Elliott (Jons, 85), Saloh, Gakpo (Firmino, 79), Nunyes (Diogu Jota, 78).

“Manchester Yunayted”: De Xea, Diogu Dalot, Varan, Martines (Malasia, 77), Shou, Kazemiro (Zabitser, 77), Fred (Maktominey, 58), Brunu Fernandesh, Vegorst (Garnacho, 58), Reshford (Elanga, 85), Antoni.

Ogohlantirishlar: Fabinyo (41), Antoni (53), Martines (61), Maktominey (64), Saloh (84).

“Nottingem Forest” – “Everton” 2:2

Gollar: 0:1 – 10, penalti Grey, 1:1 – 19 Jonson, 1:2 – 29 Dukure, 2:2 – 77 Jonson.