Futbol bo‘yicha Angliya Premyer Ligasining 37-turning markaziy uchrashuvida “Manchester Yunayted” 12-may, yakshanba kuni “Arsenal”ga qarshi bahs olib bordi.
“Old Trafford”dagi bahsni Paul Tierney bosh hakam sifatida boshqarib bordi.
Uchrashuvning 20-daqiqasida mehmonlar futbolchisi Leandro Trossard hisobni ochdi. Birinchi taymda mezbonlar juda yaxshi harakat qildi, ammo hisobni tenglashtira olmadi.
Ikkinchi taymda ikki jamoa ham hujumkor o‘yin ko‘rsatdi. Chempionlik uchun kurashayotgan “Arsenal” mezbonlar darvozasiga ko‘proq xavf soldi. Uchrashuvda jamoalar raqiblar darvozasiga boshqa to‘p kirita olmadi. Shu tariqa “Arsenal” jamoasi o‘z hisobidagi ochkolar hisobini 86 taga yetkazib oldi. “Manchester siti” hisobida 85 ochko mavjud, ammo “shaharliklar” bir uchrashuv kam o‘tkazgan.
APL
37-tur bahsi
12-may, yakshanba
“Manchester Yunayted” — “Arsenal” 0:1
Gollar: 0:1 — Leandro Trossard (20)
Izoh (0)