“Манчестер Юнайтед” 2028 йилга бориб Англия чемпионлигини қўлга киритишни режалаштирмоқда. Бу ҳақда Аthletic нашри хабар берди.
Манбага кўра, клуб спорт директори Омар Беррада клуб ходимларига бу ниятлари ҳақида маълум қилган. Таъкидланишича, Беррада “қизил иблислар”нинг Чемпионлар Лигаси учун курашдаги амбицияларини ҳам эълон қилган.
Эслатиб ўтамиз, 2028 йилда “Манчестер Юнайтед”нинг 150 йиллиги нишонланади. Беррада айнан шу муносабат билан “Лойиҳа 150” ишга туширилганини маълум қилди. Клуб 1878 йилда “Нютон Хит” номи билан ташкил этилган. Ҳозирги номга эса 1902 йилда алмаштирилган.
Жорий мавсумда Англия Премьер Лигасининг 5 туридан сўнг манкунианликлар 7 очко жамғариб, 11-ўринда бормоқда. “Манчестер Юнайтед” охирги марта 2013 йилда АПЛда ғалаба қозонган эди.
Изоҳ (0)