Futbol bo‘yicha Angliya Premyer Ligasining 4-turidan o‘rin olgan qator o‘yinlar 3-sentabr, yakshanba kuni bo‘lib o‘tdi.
“Arsenal” turning markaziy o‘yinida “Manchester Yunayted”ga qarshi bahs olib bordi. Uchrashuvning 27-daqiqasida Markus Reshford londonliklar darvozasini ishg‘ol qildi. Oradan bir daqiqa o‘tib, Martin Edegor muvozanatni tikladi. 88-daqiqada Alexandro Garnacho mankunianliklarni hisobda oldinga olib chiqqandi. Biroq o‘yindan tashqari holat tufayli hakam golni bekor qildi. 90+6-daqiqada esa Deklan Rays burchak zarbasidan uzatilgan to‘pni darvozaga joylab qo‘ydi. 90+11-daqiqada Gabriel Jezus londonliklarning ishonchli g‘alabasiga sabab bo‘luvchi gol muallifiga aylandi.
“Kanonirlar” ushbu g‘alabadan so‘ng 10 ochko bilan 5-o‘rindan joy oldi. Mankunianliklar esa 6 ochko bilan 11-pog‘onani band etdi.
“Liverpul” o‘z maydonida “Aston Villa”ni qabul qildi va 3:0 hisobida zafar quchdi. Mersisaydliklar safida Dominik Soboslai va Muhammad Saloh bittadan gol urgan bo‘lsa, “Aston Villa” futbolchisi Metti Kesh o‘z darvozasini ishg‘ol qildi.
Yurgen Klopp shogirdlari ochkolari sonini 10 taga yetkazib, 3-o‘ringa ko‘tarilib oldi.
APL
4-tur
3-sentabr, yakshanba
“Arsenal” — “Manchester Yunayted” 3:1
Gollar: 0:1 – 27 Reshford, 1:1 – 28 Edegor, 2:1 — 90+6 Rays, 3:1 — 90+11 Jezus.
“Arsenal”: Remsdeyl, Uayt, Gabriel, Saliba, Zinchenko (Tomiyasu, 76), Edegor, Rays, Haverts (Fabiu Vieyra, 77), Saka, Martinelli, Nketia (Gabriel Jezus, 76).
“Manchester Yunayted”: Onana, Uan-Bissaka, Lindelef, Martines (Maguayr, 67), Diogu Dalot, Evans, Garnacho, Eriksen, Kazemiro, Brunu Fernandesh, Antoni, Marsyal (Heylund, 67), Reshford.
Ogohlantirishlar: Lindelef (38), Saka (40), Martines (65), Onana (68).
“Liverpul” — “Aston Villa” 3:0
Gollar: 1:0 – 3 Soboslai, 2:0 – 22 Kesh (avtogol), 3:0 – 55 Saloh.
“Liverpul”: Alisson, Aleksander-Arnold (Kuansa, 71), Matip, Gomes, Robertson, Soboslai, Mak Allister (Endo, 87), Jons (Elliott, 65), Saloh, Dias (Diogu Jota, 65), Nunyes (Gakpo, 65).
“Aston Villa”: Martines, Kesh, Konsa, Diego Karlos (Beyli, 19; Zaniolo, 65), Pau Torres, Din, Makginn, Kamara, Duglas Luis (Tilemans, 72), Diabi, Uotkins (Duran, 73).
Ogohlantirish: Kamara (26).
Izoh (0)