AQSH prezidentligiga Respublikachilar partiyasidan nomzod Donald Tramp saylovoldi shtab-kvartirasiga ko‘ra, Erondan unga nisbatan “haqiqiy va aniq o‘lim tahdidi” haqida xabar berildi.
“Maxsus xizmatlar so‘nggi oylarda Respublikachilar partiyasidan prezidentlikka nomzodga qarshi doimiy va muvofiqlashtirilgan hujumlar soni ko‘payganini aniqladi. Bu o‘lim tahdidlarining maqsadi AQSHni beqarorlashtirish va uni tartibsizlik holatiga tushirishdir”, deydi Tramp saylovoldi kampaniyasi tashviqotchisi Stiven Chung.
O‘tgan hafta Federal qidiruv byurosi (FQB) va boshqa AQSH razvedka agentliklari eronlik xakerlar Trampning saylovoldi shtabi maʼlumotlarini o‘g‘irlab, amaldagi prezident Jo Baydenning saylovoldi shtabiga jo‘natgani haqida xabar bergan edi. Avgust oyida esa Tramp jamoasi xakerlik hujumiga uchragandi.
Amerika siyosatchilariga suiqasd uyushtirish
Avgust oyi boshida AQSH rasmiylari amerikalik siyosatchilarga suiqasd uyushtirish fitnasini Eron bilan muvofiqlashtirganini e’lon qilgan. Fitna ishtirokchilarining nishonlaridan biri Donald Tramp ekani aytilgan.
Eron Trampga qarshi fitnaga aloqadorlik va AQSHdagi saylov kampaniyasiga aralashish ayblovlarini rad etgan.
Izoh (0)