Xakerlar AQSH sobiq prezidenti Donald Trampning saylovoldi kampaniyasidagi ichki hujjatlarga kirish imkoniga ega bo‘ldi. Bu haqda respublikachi nomzod shtab-kvartirasi vakili Stiven Chang ma’lum qildi.
Chang buzg‘unchilikda “AQSHga dushman bo‘lgan xorijiy manbalarni” ayblagan, lekin ular qaysi davlat uchun harakat qilayotganiga aniqlik kiritmagan.
Oq uydagi Milliy xavfsizlik kengashi (MXK) vakiliga ko‘ra, Adliya vazirligi bu masalani ko‘rib chiqmoqda, Federal tergov byurosi esa izoh berishdan bosh tortgan.
Biz bir necha bor ta’kidlaganimizdek, Bayden-Harris ma’muriyati bizning saylov jarayonimizga aralashish yoki demokratik institutlarimizga ishonchni susaytirmoqchi bo‘lgan har qanday xorijiy hukumat yoki tashkilotni keskin qoralaydi, deydi MXK vakili.
10-avgust kuni Microsoft’ning yangi hisobotida eronlik xakerlar 2024-yil iyun oyida AQSH prezidentligi uchun saylov kampaniyasida “yuqori mansabdor shaxs” akkauntini buzib kirgani aniqlandi, deya ta’kidlagan Chang va bu vaqt Tramp o‘z vitse-prezidentligiga nomzodini tanlagan paytga to‘g‘ri kelishini qo‘shimcha qilgan.
Izoh (0)