Kataloniyaning “Barselona” klubi Mark-Andre ter Shtegenning jarohatidan so‘ng darvozani mustahkamlash choralarini ko‘radi.
Manbaga ko‘ra, kecha, 23-sentyabr kuni bosh murabbiy Xansi Flik va klub sport direktori Deku o‘rtasida tezkor uchrashuv bo‘lib o‘tgan va unda darvozabon muammosi muhokama qilingan. Har ikkisi ham yangi darvozabon bilan shartnoma imzolash tarafdori. Ularning fikricha, jamoadagi hozirgi darvozabonlar bilan jamoa rejalarini amalga oshirib bo‘lmaydi.
Shuningdek klub hozircha Ter Shtegen o‘rniga nomzod borasida bir qarorga kelmagani, erkin agent bo‘lgan tajribali futbolchilardan biri bilan shartnoma imzolash imkoniyatini ko‘rib chiqayotgani xabar qilingan. Bugun yakuniy qaror qabul qilish uchun Deku va Flik o‘rtasida yana bir uchrashuv bo‘lishi mumkin.
Ma’lumot uchun, Ter Shtegen “Vilyarreal” bilan o‘yinda (5:1) jarohat olib, taxminan 7-8 oyga safdan chiqqan edi. O‘tkazilgan tibbiy tekshiruvlar Mark ter Shtegenning o‘ng tizzasidagi boldir paylari uzilganini tasdiqladi. Darvozabon dushanba kuni operatsiya qilinadi.
Izoh (0)