Kataloniyaning "Barselona" klubi matbuot xizmati darvozabon Mark-Andre ter Shtegenning jarohati bo‘yicha bayonot berdi.
O‘tkazilgan tibbiy tekshiruvlar Mark ter Shtegenning o‘ng tizzasidagi boldir paylari uzilganini tasdiqladi. Darvozabon dushanba kuni operatsiya qilinadi, shundan so‘ng futbolchining holati haqida yangilangan ma’lumotlarni taqdim etamiz, — deyiladi “Barselona” matbuot xizmati X ijtimoiy tarmog‘ida (sobiq Twitter) e’lon qilingan bayonotda.
Ma’lumot uchun, Ter Shtegen “Vilyarreal” bilan Ispaniya chempionatining 6-tur uchrashuvida jarohat oldi. Shundan so‘ng futbolchi zaxiraga olindi.
Ushbu uchrashuvda Kataloniya klubi yirik 5:1 hisobida g‘alaba qozondi. Gollarga Levandovski, Pablo Torre va Rafinya mualliflik qildi.
2021-yil bahorida Ter Shtegen tizzasidan olingan jarohat sabab jarrohlik amaliyotini o‘tkazgan. O‘shanda darvozabon keyingi mavsum startini o‘tkazib yuborgandi.
Izoh (0)