Italiyalik mutaxassis Daniele De Rossi “Roma” bosh murabbiyi lavozimini tark etdi. Bu haqda klub rasmiy sayti xabar berdi.
“Roma” klubi Daniele De Rossini asosiy jamoa bosh murabbiyi lavozimidan ozod etilganini e’lon qiladi. Klub mavsum hali boshlanish bosqichida bo‘lgani uchun kerakli yo‘lga tezda qaytish imkoniyatini yaratish maqsadida jamoa manfaatlarini ko‘zlagan holda ushbu qarorni qabul qiladi.
Danielega ishtiyoq va fidoyilik bilan qilgan ishi uchun katta rahmat, — deyiladi klub bayonotida.
Ma’lumot uchun, aynan De Rossi Eldor Shomurodov ushbu mavsum “Roma”da qolishi uchun harakat qilgan edi.
Eldor mashg‘ulotlarda ajoyib va tirishib ishlaydigan futbolchilardan hisoblanadi. Menga unga o‘xshagan futbolchi kerak, — degan edi sobiq bosh murabbiy.
“Roma” Italiya chempionati turnir jadvalida 16-o‘rinni egallab turibdi. Jamoa dastlabki to‘rtta uchrashuvdan uch ochko jamg‘ardi.
Izoh (0)