Futbol bo‘yicha Jahon chempionatining Osiyo qit’asida 3-bosqich saralashining 2-tur o‘yinlari bo‘lib o‘tdi. Sofascore ushbu tur uchrashuvlarida qatnashgan o‘yinchilarning ramziy jamoasini tuzib chiqdi.
Ikkinchi tur ramziy jamoasiga O‘zbekiston milliy terma jamoasi sardori Eldor Shomurodov hamda himoyachi Husniddin Aliqulov kiritildi.
Portal Shomurodovning o‘yinini 10 ballik tizimda 8,4 bahoga loyiq topgan bo‘lsa, Aliqulovning harakatlari 8 ballga munosib ko‘rilgan.
-Xv_2UHbL.jpg)
Ma’lumot uchun, O‘zbekiston terma jamoasi 2-turda Qirg‘iziston mehmoni bo‘ldi va murosasiz kechgan uchrashuvda 3:2 hisobida g‘alaba qozondi. Eldor Shomurodov o‘zbekistonliklarning birinchi golini kiritgan bo‘lsa, ikkinchi golga Husniddin Aliqulov mualliflik qildi. O‘zbekiston tarkibida g‘alaba golini Oston O‘runov 72-daqiqada kiritdi.
Izoh (0)