“Рома” клуби мураббийи истеъфога чиқарилди

Италиялик мутахассис Даниэле Де Росси “Рома” бош мураббийи лавозимини тарк этди. Бу ҳақда клуб расмий сайти хабар берди.

“Рома” клуби Даниэле Де Россини асосий жамоа бош мураббийи лавозимидан озод этилганини эълон қилади. Клуб мавсум ҳали бошланиш босқичида бўлгани учун керакли йўлга тезда қайтиш имкониятини яратиш мақсадида жамоа манфаатларини кўзлаган ҳолда ушбу қарорни қабул қилади.

Даниэлега иштиёқ ва фидойилик билан қилган иши учун катта раҳмат, — дейилади клуб баёнотида.

Маълумот учун, айнан Де Росси Элдор Шомуродов ушбу мавсум “Рома”да қолиши учун ҳаракат қилган эди. 

Элдор машғулотларда ажойиб ва тиришиб ишлайдиган футболчилардан ҳисобланади. Менга унга ўхшаган футболчи керак, — деган эди собиқ бош мураббий.

“Рома” Италия чемпионати турнир жадвалида 16-ўринни эгаллаб турибди. Жамоа дастлабки тўртта учрашувдан уч очко жамғарди.