HBO telekanali “Garri Potter” serialidagi uchta asosiy qahramonni o‘ynash uchun nomzodlarni qidirishni boshladi. Suratga olish ishlari 2025–2026-yillarda bo‘lib o‘tadi.
Garri, Ron va Germiona rolini 2025-yilda 9-11 yoshga to‘ladigan Buyuk Britaniya yoki Irlandiyadan kelgan bolalar o‘ynaydi. Kompaniya, shuningdek, kasting barcha irqlar, etnik xalqlar vakillari uchun ochiq bo‘lishini ta’kidladi.
Biz inklyuziv va xilma-xil bo‘lishga harakat qilyapmiz. Shuning uchun millati, jinsi, nogironligi, irqi, jinsiy o‘ziga xosligi yoki qonun bilan himoyalangan boshqa belgilardan qat’i nazar, ariza berishlarini so‘raymiz.
Nomzodlardan ikkita qisqa video taqdim etish so‘ralgan, ulardan birida “Garri Potter”dan emas, balki qisqa she’r yoki hikoyani o‘qish kerak. Ikkinchi video nomzodning o‘zi haqida hikoya bo‘lishi va tug‘ilgan kuni, bo‘yi va yashash manzilini o‘z ichiga olishi kerak. Shuningdek, nomzodlardan o‘z ona tilida gapirishlari so‘ralgan.
E’londa tasvirga olish ishlari Buyuk Britaniyada 2025—2026-yillarda bo‘lib o‘tishi aytilgan. Serialning chiqish sanasi ma’lum emas, lekin avvalroq Warner Bros. Discovery bosh direktori Devil Zaslavning xabar berishicha, film relizi 2026-yilga mo‘ljallangan.
Izoh (0)