“Garri Potter”da suratga tushgan aktyor va aktrisalarning moliyaviy ahvoli qancha ekani haqida Grazia nashri ma’lumot beradi.
Emma Tompson — 40 million dollar
Ancha avvalroq tanilganiga qaramay, aynan “Garri Potter” filmi ortidan Emma katta miqdorda gonorarga ega bo‘lgan, uning moliyaviy ahvoli 40 million dollarni tashkil qiladi. U filmda professor Treloni rolini ijro qilgan.
Gari Oldman — 40 million dollar
Gollivudning eng ko‘zga ko‘ringan aktyorlaridan biri hisoblangan Gari Sirius Blek rolini ijro qilib, yosh muxlislar qalbini zabt etishga erishgan. Keyinroq Uinston Cherchill roli uchun “Oskar” mukofotini qo‘lga kiritgan. Uning moliyaviy ahvoli reytingda to‘qqizinchi o‘rinda.
Rupert Grint — 50 million dollar
Franshizaning barcha qismlarida suratga tushgan Grint umumiy miqdorda 70 million dollar ishlab topgan.
Helena Bonem Karter — 60 million dollar
Helena Bonem Karter iste’dodi va mahorati ortidan 60 million dollarga ega bo‘lgan.
Kennet Brana — 60 million dollar
Kennet Brana esa gavdalantirgan roli evaziga 60 million dollar olgan.
Emma Uotson — 85 million dollar
Emma “Garri Potter” franshizasi ortidan 60 million, “Sohibjamol va maxluq”da suratga tushgani evaziga esa 15 million dollarga ega bo‘lgan.
Robert Pattinson — 100 million dollar
Robert “Garri Potter”dan uncha ko‘p pul topmagan, ammo “Sumerki”dagi roli sabab katta mablag‘ga ega bo‘lgan. Ayni vaqtda muxlislar Dior Home’ning yuzi bo‘lgan Robert bosh qahramonni gavdalantirgan “Betmen” premyerasini intiqlik bilan kutmoqda.
Deniel Redkliff — 110 million dollar
“Garri Potter”dagi bosh qahramonni gavdalantirgan aktyor franshizadan umumiy miqdorda 95 million dollarga ega bo‘lgan. Ijodida biroz tanaffus kuzatilganiga qaramay, kinoga qaytganidan keyin yana 15 million dollar ishlab topgan.
Joan Rouling — 1 milliard dollar
Joan o‘zi mualliflik qilgan franshizada suratga tushmagan, ammo rol ijro etgan aktyor va aktrisalardan ko‘proq gonorar olgan. Uning kitobi butun dunyo bo‘ylab yarim milliard nusxada sotilgan. Rouling esa dunyodagi eng badavlat yozuvchilar orasida ikkinchi o‘rinni egallagan.
Izoh (0)