“Qizil sharbat” serialining uchinchi mavsumini kutayotgan muxlislarni qiziqtirgan savollarga javob beramiz. Sila Turko‘g‘li real hayotda ham haqiqiy sevgisini topa olganmi? Dog‘ukan Gungor Fotihga o‘xshaydimi? Barcha tafsilotlar mazkur materialimizda.
Sila Turko‘g‘lu (Doa)
“Qizil sharbat” serialining bosh qahramoni hali turmushga chiqmagan. Ammo matbuotdagi mish-mishlarga ishonib bo‘lmaydi. Axir paparatssi biror qizni notanish erkak bilan birga ko‘rishi bilanoq, ularni darhol “sevishganlar” deb e’lon qiladi.
Misol uchun, “Omonat” serialida suratga olish maydonchasida uning sherigi bo‘lgan aktyor Xalil Ibrohim Jayxon bilan shunday bo‘lgan. Biroq ikkala aktyor ham shunchaki do‘st ekanliklarini ochiqchasiga aytib, barcha uydirmalarni tezda rad etishdi.
2023-yilning yozida Sila Turko‘g‘li Alp Navro‘z bilan qisqa vaqt uchrashib yurdi. Ularning romani haqida internetda ularning Bodrumdagi birgalikdagi dam olishidan olingan suratlar paydo bo‘lganida ma’lum bo‘ldi. Ammo yil oxiriga kelib yigit ijtimoiy tarmoqlardan Silaning barcha sur’atlarini o‘chirib tashladi va ishqiy munosabatlari tugaganini tasdiqladi. Hozirda aktrisaning hayotida tadbirkor Ata Ayildiz paydo bo‘ldi.
Dog‘ukan Gyungyor (Fotix)
Dog‘ukan shaxsiy hayotini bildirmaslikka harakat qiladi, lekin uni goho-goho go‘zal xonimlar davrasida tutib olishadi, bu esa, albatta, turli uydirmalarni keltirib chiqaradi. Ma’lum bo‘lgan narsa faqat shuki, u uylanmagan.
2023-yilda Dog‘ukan “Hukmdor Usmon” serialidagi tomoshabinlarga tanish bo‘lgan aktrisa Seray Kaya bilan suratlari tarqalgandi. Ammo ular shunchaki do‘st ekanliklarini aytdi.
Mujde Uzmen (Alev)
Mujdening barcha muxlislariga uning turmushga chiqmaganligi yaxshi ma’lum. Umuman olganda, aktrisaning shaxsiy hayoti juda g‘alati, chunki u 5 yilini musiqachi va bloger Og‘ujon Ugurga bag‘ishlagan. Er-xotin doimo qattiq janjallashishadi, keyin esa yarashishadi.
Barish Qilich (Omer)
Barich Qilich o‘zining Kiviljimini real hayotda allaqachon topgan. 2007-yildan beri aktyor Ayshegul Akmedir bilan baxtli turmush qurgan. Aytgancha, ayolning shou-biznes olamiga hech qanday aloqasi yo‘q, ilgari u sayyohlik agentligida ishlagan, hozirda esa butun vaqtini bola tarbiyasiga bag‘ishlaydi. Er-xotinning ikkita o‘g‘li bor — Botu va Amir. Barish namunali er va ota hisoblanadi, shuningdek, u oilasini matbuot va muxlislar e’tiboridan asrab-avaylaydi.
Axmet Mumtaz Taylan (Abdulla)
Settar Tanriogenning o‘rnini egallagan aktyor — Yangi Apo aktrisa Aychin Injiga uylangan, to‘y 2007-yilda bo‘lib o‘tgan. Ammo ayni paytda erkak ajrashgan va yolg‘iz.
Sibel Tashchiog‘lu (Pembe)
Pembe rolini o‘ynagan Sibel Tashchio‘g‘lu shaxsiy hayotini muxlislardan yashirmaydi. 2016-yilning yozida 40 yoshli aktrisa Murat Kolchak Kostendil bilan unashtirildi. Bu voqeaning eng qizig‘i — ularning sevgi tarixi. Ular maktabda birga o‘qigan, biroq o‘qishni tugatgandan so‘ng ajralishgan. 20 yil o‘tgachgina, Sibel va Murat yana uchrashishdi va bir-birisiz yashay olmasliklarini angladi.
Jeren Yalazo‘g‘lu (Nursema)
Eng mashhur va eng ko‘p muhokama qilinadigan aktrisalardan biri “Qizil sharbat” suratga olish maydonchasida tanishgan aktyor Usmon Karakoch bilan baxtli turmush qurgan. Dizi muxlislari uni “Sevgi retsepti”, “Muhabbat va Mavi” va “Xayrlashaylik” silmlari orqali tanishadi. Juftlikning to‘yi 2013-yilda bo‘lib o‘tgan va 2019-yilda ular Istanbulga ko‘chib o‘tishgan.
Selin Turkmen (Chimen)
Doaning singlisi rolini o‘ynagan yosh aktrisaning hayotida kimdir borligi haqida hech qanday ma’lumot yo‘q. 2023-yilning yozida ham ijtimoiy tarmoqlarda Selin futbol bo‘yicha Turkiya terma jamoasi himoyachisi Tayib Sanuch bilan uchrashayotgani haqida yozishgan. Ammo bu gap mish-mishligicha qoldi, aktrisa esa hozir shaxsiy hayotini yo‘lga qo‘yishdan ko‘ra, muvaffaqiyatli karyera qurishga ko‘proq qiziqmoqda.
Izoh (0)