“Garri Potter va hikmatlar toshi” kitobi muqovasi uchun qo‘llangan akvarel suratning originali Nyu Yorkdagi Sotheby’s auksionida 1,9 million dollarga sotildi.
Illyustrator rassom Tomas Teylor suratni 23 yoshida chizgan, bu uning birinchi rasmiy buyurtmasi bo‘lgan.
Mazkur narx Garri Potter olamiga oid buyumlar uchun rekord miqdor, deya qayd etadi MarketWatch.
2001-yilda rasm atigi 85 750 funt sterlingga baholangan. Garri Potterga tegishli buyumlar bo‘yicha oldingi rekord 2021-yilda o‘rnatilgan, o‘shanda birinchi kitobning birinchi nashri Dallasdagi auksionda 421 ming dollarga sotilgan edi.
Joan Rouling tomonidan yozilgan The Tales of Beedle the Bard kitobi qo‘lyozmasi 2007-yilda 1,95 million funt sterlingga sotib olingan, biroq bu nashr xayriya auksioni uchun maxsus tayyorlangandi.
Izoh (0)