“Garri Potter”da sehrgarlarni o‘ynagan katta yoshli aktyorlarning ko‘pchiligi o‘sha paytda farzandli edi. Bolalarning ba’zilari sahna ortida o‘sgan, ularning yulduz otalari va onalari yosh sehrgarlarning sarguzashtlari haqidagi mashhur filmda rol o‘ynagan.
Meggi Smit, Kris Larkin va Tobi Stivens
1967-yilda Meggi Smit aktyor Robert Stivensga turmushga chiqadi. Er-xotinning ikkita o‘g‘li bor: Kris Larkin va Tobi Stivens — ularning ikkalasi ham aktyor. Kris “Chet ellik” teleserialida, Tobi esa “Jeyn Eyr” romaniga moslashtirilgan filmlardan birida janob Rochester rolini o‘ynagan. Professor Makgonagal esa baxtli buvi — uning 5 nafar nevarasi bor.
Imelda Staunton va Bessi Karter
Imelda Staunton va uning turmush o‘rtog‘i, aktyor Jim Karterning 1993-yilda tug‘ilgan Bessi ismli qizi bor. U taniqli ota-onasining izidan borib, filmlarda rol o‘ynay boshlaydi. U otasi bilan 2007-yilda “Krenford” teleserialida ishtirok etgan, unda Jim Karter kapitan Braun rolini va Bessi Karter esa xizmatchi ayol rolini o‘ynagan.
Geri Oldmen va Alfi Oldmen
Aktyor 5 marta oila qurgan. 1987-yilda u ingliz aktrisasi Lesli Menvilga uylanadi va tez orada Alfi ismli o‘g‘il ko‘radi. Er-xotin birinchi farzandlari tug‘ilgandan atigi 3 oy o‘tgach, ajralishga qaror qilishadi. Biroq ular do‘stona munosabatlarni saqlab qolishadi — ota va o‘g‘il o‘rtasidagi aloqa uzilmaydi.
Robbi Koltreyn va Elis Makmillan
1980-yillarning oxirida Koltreyn o‘zidan ancha yosh bo‘lgan va Glazgo san’at maktabida tahsil olgan haykaltarosh Rona Gemmell bilan tanishadi. Juftlikning ikki farzandi bor: o‘g‘li Spenser va qizi Elis Makmillan. Elisning bir nechta filmlarda rol o‘ynagan, asosan epizodik rollar va qisqa metrajli filmlarda.
Uorvik Devis va Annabel Devis
Devis 2024-yil mart oyida vafot etgan aktrisa Samanta Berrouzning turmush o‘rtog‘i edi. Er-xotinning 2 nafar farzandi bor — qizi Annabel Devis ham filmlarda rol o‘ynaydi: uni “Garri Potter”ning filmlaridan birida, “Yulduzlar jangi”ning zamonaviy epizodlarida va “Jodugar” serialida kichik rolda ko‘rish mumkin.
Emma Tompson, Gaya va Tindiebua Agabu
Emma Tompson ikkinchi turmush o‘rtog‘i, aktyor Greg Uayz bilan 1995-yilda “Aql va hissiyot” filmini suratga olish maydonchasida tanishgan. 8 yildan keyin ular turmush qurishadi. 1999-yilda er-xotinning Gaya ismli qizi dunyoga keladi — hozirda u ham aktrisa. 2003-yilda er-xotin Tindiebua Agaba ismli yetim bolani asrab olishadi.
Brendan Glison va Brin Glison
Qo‘rqinchli professor Gryum rolini ijro etgan aktyorning to‘rt o‘g‘li bor: Donal, Fergus, Brayn va Rori. Donal va Brayn otalarining izidan borishdi va filmlarda rol o‘ynashni ham boshladi.
Jeyson Ayzek, Lili va Rubi
“Garri Potter” muxlislari Lutsius Malfoyning yagona o‘g‘li Drako bo‘lganini bilishadi. Ammo bu rolni o‘ynagan Jeyson Ayzekning hujjatli film rejissyori Emma Xyuitt bilan nikohidan tug‘ilgan ikki qizi bor. Er-xotin talabalik davrida uchrasha boshlagan va 2001-yilda sevishganlar turmush qurishga qaror qilishgan. Hozirda ular Lili va Rubi ismli qizlarni tarbiyalamoqda.
Helena Bonem Karter va Billi Reymond Byorton
Helena Bonem Karter va uning sobiq eri Tim Byortonning Billi Reymond ismli o‘g‘li va Nell ismli qizi bor. Ularning dunyoga kelishi juda ko‘p muammolar bilan kechgan. Intervyularining birida aktrisa bepushtlik bilan qanday kurashgani va homiladorlik paytida duch kelgan qiyinchiliklari haqida gapirib bergan.
Devid Tyulis va Greysi Fril
“Garri Potter”da professor Lyupin rolini ijro etgan aktyor ingliz aktrisasi Anna Friel bilan turmush qurgan. Ularning Greysi ismli qizi bor. Er-xotin ajrashgan bo‘lsa-da, lekin Devid doim qizining yonida: fotomuxbirlar bir necha bor ota va qizining yoqimli suratlarini olishga muvaffaq bo‘lgan.
Izoh (0)