Bu mashhurlar divanda cho‘zilib yotishga o‘rganmagan: ularning har doim sevimli mashg‘ulotlari bor. Mashhurlarning og‘ir kundan keyin qanday dam olishini bilib oling.
Devid Bekhem
Devid Bekhemning eng muvaffaqiyatli transferi — futboldan fermerlikka. Hozir sportchi asalarichilik bilan shug‘ullanadi, tovuq, qo‘y boqadi va bundan zavq oladi.
“Asalarichilik sevimli mashg‘ulotimga aylanadi, deb o‘ylamagan edim”, deb tan oladi sobiq futbolchi.
Emiliya Klark
Emiliya Klarkning ideal dam olish kuni — shiddatli adrenalin. Ma’lum bo‘lishicha, ajdarlar onasi poygani juda yaxshi ko‘radi. Bir necha oy oldin kino yulduzi “Formula 1”ga tushib, bu uning sevimli mashg‘uloti ekanini tushundi.
“Keyingi hayotimda men aniq F1 poygachisi bo‘lardim. Kecha haqiqiy poygachilar va ularning chiroyli mashinalari bilan birga edim. Bu juda zo‘r bo‘ldi”, deydi Emiliya.
Qiziq, Klark ismli poygachi haqiqatan ham bor. U o‘tgan asrda yashagan, ammo hozirgacha ko‘plab mutaxassislar tomonidan eng iste’dodli sportchi sifatida tan olingan.
Jastin Biber
Besh yil oldin Jastin rasm chizishga qiziqib qoldi, lekin polotno sifatida dekor va garderob buyumlaridan foydalana boshladi. Hamma narsa: krossovkalar, flomasterlar, bo‘yoqli ballonchalar... Musiqachi hatto Offset uchun eksklyuziv kartina yaratdi.
Peris Hilton
Peris Hilton 2012-yildan beri o‘zining qo‘shiqlari bilan musiqiy chartlarni portlatadi. Bu vaqt ichida u o‘nlab festivallarda va hatto Roblox metaolamida ham dijey sifatida chiqish qilishga muvaffaq bo‘ldi.
“Men 15 yoshimdan beri klubdaman va bu ishimni juda yaxshi ko‘raman”, deydi Peris.
Rayan Gosling
Rayan Gosling bo‘sh vaqtlarida to‘qish bilan shug‘ullanadi. To‘qishga bo‘lgan muhabbat Kenda “Lars va haqiqiy qiz” filmi ustida ishlayotganda paydo bo‘lgan va hozirda u meditatsiyaning bir shakliga aylangan.
“Biz to‘quvchi ayollar ishlayotgan sahnani suratga oldik. Suratga olish ishlari kunbo‘yi davom etdi, shuning uchun ular menga to‘qishni o‘rgatib qo‘yishdi”, deydi aktyor.
Izoh (0)