O‘zbekiston va Xitoy aviatsiya maʼmuriyatlari o‘rtasida erishilgan kelishuvlar ijrosi doirasida 10-sentyabr kuni Transport vazirligida Xitoyning China Southern airlines aviakompaniyasi vakillari bilan uchrashuv bo‘lib o‘tdi. Bu haqda vazirlik matbuot xizmati xabar berdi.
Maʼlum qilinishicha, uchrashuvda ikki mamlakat o‘rtasida aviaqatnovlar hajmini oshirish va parvozlar geografiyasini kengaytirish masalalari muhokama etilgan.
Muzokaralar natijasiga ko‘ra, China Southern airlines aviakompaniyasining Pekin – Toshkent yo‘nalishida haftalik aviaqatnovlarini 4 tadan 7 taga oshirish, Urumchi – Toshkent yo‘nalishidagi aviaqatnovlarini esa 3 tadan 4 taga oshirish kelishildi.
Shuningdek, 2025-yildan boshlab Guanchjou – Urumchi – Toshkent yo‘nalishida haftasiga 3 ta aviaqatnov yo‘lga qo‘yiladi.
Izoh (0)