Ўзбекистон ва Хитой авиация маъмуриятлари ўртасида эришилган келишувлар ижроси доирасида 10 сентябрь куни Транспорт вазирлигида Хитойнинг China Southern airlines авиакомпанияси вакиллари билан учрашув бўлиб ўтди. Бу ҳақда вазирлик матбуот хизмати хабар берди.
Маълум қилинишича, учрашувда икки мамлакат ўртасида авиақатновлар ҳажмини ошириш ва парвозлар географиясини кенгайтириш масалалари муҳокама этилган.
Музокаралар натижасига кўра, China Southern airlines авиакомпаниясининг Пекин – Тошкент йўналишида ҳафталик авиақатновларини 4 тадан 7 тага ошириш, Урумчи – Тошкент йўналишидаги авиақатновларини эса 3 тадан 4 тага ошириш келишилди.
Шунингдек, 2025 йилдан бошлаб Гуанчжоу – Урумчи – Тошкент йўналишида ҳафтасига 3 та авиақатнов йўлга қўйилади.
Изоҳ (0)