Qo‘shma Shtatlar Tojikistonni Kaspiy dengizi, Osiyo va Kavkaz mamlakatlari orqali Xitoyni Yevropa bilan bog‘laydigan Transkaspiy savdo yo‘li loyihasida ishtirok etishini yoqlaydi. Bu haqda AQSHning Dushanbedagi elchisi Manuel Mikaller ma’lum qildi.
“Biz Tojikistonning Markaziy Osiyoni Kavkaz va Yevropa bozorlari bilan bog‘laydigan Transkaspiy savdo yo‘lida ishtirok etishini qo‘llab quvvatlashda davom etamiz. AQSH va Markaziy Osiyodagi besh hamkorimizni birlashtirgan C5+1 diplomatik platformasi orqali ular bilan yaqinroq hamkorlik qilishga va jahon bozorlariga chiqishga umid qilamiz”, deydi u.
Transkaspiy xalqaro transport yo‘nalishi Xitoy, Qozog‘iston, Kaspiy dengizi, Ozarbayjon, Gruziya va Yevropa davlatlari orqali o‘tadi. Temiryo‘l va dengiz transportidan foydalangan holda konteyner tashish amalga oshiriladi.
2022-yilda Yevropa Ittifoqi diplomatiyasi rahbari Josep Borrel ham YI Markaziy Osiyo davlatlari bilan iqtisodiy hamkorlikni, jumladan, Rossiyadan mustaqil bo‘lgan yangi transport yo‘laklarini qurish orqali kengaytirish niyatida ekanini ma’lum qilgandi.
Izoh (0)