“Markaziy Osiyo orqali o‘tgan o‘rta koridor strategik ahamiyatga ega bo‘lmoqda” — Oybek Shayxov

Bryusselda Markaziy Osiyo davlatlari va Yevropa Ittifoqi, shuningdek, Transkaspiy transport yo‘lagi bo‘yicha hamkor mamlakatlarning yuqori martabali vakillari ishtirokida Investorlar forumi bo‘lib o‘tmoqda. 

Tadbir Yevropa—O‘zbekiston iqtisodiy hamkorlik assotsiatsiyasi (EUROUZ) bosh kotibi Oybek Shayxovning ham e’tiborini tortdi va u ushbu tadbir Yevropa va O‘zbekiston o‘rtasidagi munosabatlarni rivojlantirishdagi ahamiyati haqida gapirdi.

U  zamonaviy geosiyosiy sharoitda Xitoydan Yevropaga yuk tashish tobora qiyinlashib borayotganini ta’kidladi. Yevropa va global transport kompaniyalari uchun mavjud bo‘lgan eski yo‘nalishlar ochiq emas yoki juda qimmatga tushmoqda. Shu nuqtayi nazardan, Markaziy Osiyo orqali o‘tadigan o‘rta koridor strategik ahamiyatga ega.

“Bugungi geosiyosiy voqelikni inobatga olgan holda, albatta, asosan Xitoydan Yevropaga tovarlarni tashish imkoniyati yanada murakkablashganini tushunish kerak. Xitoy-Yevropa yo‘nalishida ilgari Evropa transport kompaniyalari va global transport kompaniyalari uchun mavjud bo'lgan ushbu yo'nalishlar bugungi kunda borish qiyin va qimmat yoki murakkab. Shunga ko'ra, Markaziy Osiyo orqali o'tadigan o'rta koridor ahamiyati mutlaqo markaziy o'rin tutadi.

Yevropa Ittifoqining tashqi ishlar bo‘yicha Oliy vakili Borellning bugungi kunda Markaziy Osiyo dunyoning markazida ekanini ta’kidlagan nutqini eshitdik. Biz bor-yo‘g‘i besh yil ichida o‘rta koridor muhim ahamiyat kasb etganini ko‘rmoqdamiz”, — dedi Shayxov.

U Yevropa tomoni O‘zbekistonni ushbu koridorni rivojlantirish istagini qo‘llab-quvvatlash uchun yetarlicha e’tibor va sarmoya kiritish zarurligini tushunishiga umid bildirdi.