Futbol bo‘yicha UEFA Millatlar Ligasining guruh bosqichi 1-turidan o‘rin olgan bahslar 5-sentyabr, payshanba kuni bo‘lib o‘tdi. Ushbu uchrashuvlarda tarixiy natija qayd etildi.
Futbol bo‘yicha Yevropa reytingida eng quyi pog‘onada joylashgan San-Marino Lixtenshteyn milliy jamoasini mag‘lub etdi. Bu jamoa uchun birinchi tarixiy g‘alaba hisoblanadi.
Ushbu davlat termasi haqida:
- San-Marino 2004-yildan beri o‘rtoqlik uchrashuvlarida ham g‘alaba qozona olmagan;
- Jamoa hech qachon rasmiy o‘yinlarda g‘alaba qozonmagan:
- San-Marino milliy jamoasi FIFA reytingida so‘nggi 210-o‘rinni qayd etgan. O‘z tarixida 11 ta uchrashuvlarda mag‘lubiyatga uchramagan. Kechagi g‘alabadan so‘ng ular hisobida 11 durang va bir g‘alaba mavjud.
Ushbu g‘alabani jamoaga 19 yoshli Niko Sensoli olib keldi.
Nima uchun futbol San-Marinoda rivojlanmagan? Sababi futbolga alohida o‘qitilmaydi, maydonlarda faqat havaskorlar futbol o‘ynaydi.
- San Marinoda futbol bilan professional shug‘ullanilmaydi. Musobaqalarda limit bor bo‘lsa-da, asosan italyanlar o‘ynaydi. Qoidaga asosan jamoalarda kamida 2 ta san-marinolik sportchi bo‘lishi zarur.
- Mamlakatda futbol uchun alohida o‘qitilmaydi. Maxsus futbol akademiyalari mavjud emas, futbolchilar oladigan maosh ham o‘rtacha.
- Jamoalar maydonlarga ega emas. Kim qayerda xohlasa o‘sha maydonda o‘ynaydi, mezbonni qur’a belgilaydi.
- Futbolchilarni mahalliylashtirish juda qiyin. Mamlakat qo‘sh fuqarolikka ruxsat bermaydi. Shuning uchun ushbu davlat fuqaroligiga kirmoqchi bo‘lgan futbolchi o‘z pasportidan voz kechishi kerak.
-O6TzSp6A.jpg)
Milliy terma jamoa uy uchrashuvlarini Serravalle shahrida, “San-Marino” klubi joylashgan, 7 ming tomoshabinga mo‘ljallangan Olimpiya stadionida o‘tkazadi.
Izoh (0)