Футбол бўйича УЕФА Миллатлар Лигасининг гуруҳ босқичи 1-туридан ўрин олган баҳслар 5 сентябрь, пайшанба куни бўлиб ўтди. Ушбу учрашувларда тарихий натижа қайд этилди.
Футбол бўйича Европа рейтингида энг қуйи поғонада жойлашган Сан-Марино Лихтенштейн миллий жамоасини мағлуб этди. Бу жамоа учун биринчи тарихий ғалаба ҳисобланади.
Ушбу давлат термаси ҳақида:
- Сан-Марино 2004 йилдан бери ўртоқлик учрашувларида ҳам ғалаба қозона олмаган;
- Жамоа ҳеч қачон расмий ўйинларда ғалаба қозонмаган:
- Сан-Марино миллий жамоаси FIFA рейтингида сўнгги 210-ўринни қайд этган. Ўз тарихида 11 та учрашувларда мағлубиятга учрамаган. Кечаги ғалабадан сўнг улар ҳисобида 11 дуранг ва бир ғалаба мавжуд.
Ушбу ғалабани жамоага 19 ёшли Нико Сенсоли олиб келди.
Нима учун футбол Сан-Маринода ривожланмаган? Сабаби футболга алоҳида ўқитилмайди, майдонларда фақат ҳаваскорлар футбол ўйнайди.
- Сан Маринода футбол билан профессионал шуғулланилмайди. Мусобақаларда лимит бор бўлса-да, асосан италянлар ўйнайди. Қоидага асосан жамоаларда камида 2 та сан-маринолик спортчи бўлиши зарур.
- Мамлакатда футбол учун алоҳида ўқитилмайди. Махсус футбол академиялари мавжуд эмас, футболчилар оладиган маош ҳам ўртача.
- Жамоалар майдонларга эга эмас. Ким қаерда хоҳласа ўша майдонда ўйнайди, мезбонни қуръа белгилайди.
- Футболчиларни маҳаллийлаштириш жуда қийин. Мамлакат қўш фуқароликка рухсат бермайди. Шунинг учун ушбу давлат фуқаролигига кирмоқчи бўлган футболчи ўз паспортидан воз кечиши керак.
-O6TzSp6A.jpg)
Миллий терма жамоа уй учрашувларини Серравалле шаҳрида, “Сан-Марино” клуби жойлашган, 7 минг томошабинга мўлжалланган Олимпия стадионида ўтказади.
Изоҳ (0)