G‘azo sektorining Rafah shahridagi yerosti tunnelida HAMAS tomonidan garovga olingan olti kishining jasadi topildi. Bu haqda Isroil armiyasi matbuot xizmati xabar berdi.
Halok bo‘lganlar orasida Eden Yerushalmi, Ori Danino, Karmel Gat, Gersh Goldberg-Polin (Isroil va AQSH fuqarosi), Almog Sarusi va Rossiya fuqaroligiga ega bo‘lgan Aleksandr Lobanov ham bor. Ularning barchasi yaqinda halok bo‘lgan, yahudiy davlati armiyasi ularning o‘limida HAMASni ayblamoqda.
32 yoshli Rossiya-Isroil fuqarosi Aleksandr Lobanov HAMAS hujumiga uchragan "Supernova" musiqa festivalida barmen bo‘lib ishlagan. Uning xotini va bolasi borligi aytilmoqda.
HAMAS garovga olinganlarning o‘limi uchun javobgarlikni Isroilga yukladi va u ularni ozod qilish to‘g‘risidagi kelishuvdan voz kechayotganini aytdi. Isroil bosh vaziri Binyamin Netanyaxu esa bunday kelishuvlarga tayyorligini da’vo qildi.
Taxminlarga ko‘ra, 7-oktyabr kuni HAMAS tomonidan o‘g‘irlab ketilgan 251 nafar garovga olinganlardan 97 nafari hozirda G‘azoda qolmoqda. Isroil armiyasi 33 kishi halok bo‘lganini bildirgan.
Izoh (0)