Ғазо секторининг Рафаҳ шаҳридаги ерости туннелида ҲАМАС томонидан гаровга олинган олти кишининг жасади топилди. Бу ҳақда Исроил армияси матбуот хизмати хабар берди.
Ҳалок бўлганлар орасида Эден Ерушалми, Ори Данино, Кармел Гат, Герш Голдберг-Полин (Исроил ва АҚШ фуқароси), Алмог Саруси ва Россия фуқаролигига эга бўлган Александр Лобанов ҳам бор. Уларнинг барчаси яқинда ҳалок бўлган, яҳудий давлати армияси уларнинг ўлимида ҲАМАСни айбламоқда.
32 ёшли Россия-Исроил фуқароси Александр Лобанов ҲАМАС ҳужумига учраган "Supernova" мусиқа фестивалида бармен бўлиб ишлаган. Унинг хотини ва боласи борлиги айтилмоқда.
ҲАМАС гаровга олинганларнинг ўлими учун жавобгарликни Исроилга юклади ва у уларни озод қилиш тўғрисидаги келишувдан воз кечаётганини айтди. Исроил бош вазири Биньямин Нетаньяху эса бундай келишувларга тайёрлигини даъво қилди.
Тахминларга кўра, 7 октябрь куни ҲАМАС томонидан ўғирлаб кетилган 251 нафар гаровга олинганлардан 97 нафари ҳозирда Ғазода қолмоқда. Исроил армияси 33 киши ҳалок бўлганини билдирган.
Изоҳ (0)