Isroil bosh vaziri Netanyaxu hozircha iste’foga chiqish niyati yo‘qligini aytdi

Isroil bosh vaziri Binyamin Netanyaxu toki o‘z mamlakatiga foyda keltirar ekan, lavozimini tark etish niyati yo‘qligini aytib o‘tdi. U bu haqida Time nashriga bergan intervyusida ma’lum qildi.

“Isroilni xavfsiz kelajak va farovonlikka olib borishimga ishonmagunimcha, men o‘z lavozimimda qolaman”, dedi u.

Shu bilan birga, Time nashrining qayd etishicha, isroilliklarning 72 foizi Netanyaxu hozir yoki G‘azo sektoridagi mojaro tugaganidan keyin iste’foga chiqishi kerak, deb hisoblaydi.

Netanyaxu hozir mamlakatni himoya qilish va uni g‘alaba sari yetaklash bo‘yicha sa’y-harakatlarni boshqarayotganini ta’kidlar ekan “menimcha, bu yaqinlashmoqda”, dedi.

Shu bilan birga, u kelajakda “bosh vazir bo‘lib qolishi haqida qayg‘urmasligini” qayd etdi.

“O‘z hissamni qo‘shishim mumkinligini his qilsam, buni qilishda davom etaman. Odamlar ketishimni xohlamaguncha qolaman... Bizda monarxiya yo‘q, bizda demokratiya bor”, deydi u.

So‘nggi oylarda ko‘plab isroilliklar hukumatning harakatlaridan, xususan, G‘azo sektorida garovga olingan isroilliklarni ozod qilish bo‘yicha kelishuv yo‘qligi sababli norozilik bildirgan. Shu munosabat bilan mamlakatda muntazam ravishda norozilik namoyishlari bo‘lib o‘tmoqda.