Yulduz Usmonovadan Rafet el Romangacha. Yangi mavsumda kimlar konsert beradi? (foto)

Yozgi taʼtildan so‘ng teatr va konsert tomoshalarining yangi mavsumi ochiladi. Xo‘sh, yaqin oylarda qaysi xonandalar konsert berishadi va ularning chipta narxlari qancha?

Mirjalol Neʼmatov

“Menga o‘xshagani tug‘ilmaydi hech” nomli qo‘shig‘i bilan tinglovchilar eʼtiboriga tushgan xonanda Mirjalol Neʼmatov 16-sentyabr kuni ilk yakkaxon konsert dasturini taqdim etadi. Chipta narxlari 40 ming so‘mdan 400 ming so‘mgacha etib belgilangan.

Dilnoz Hakimova

“Daydi, “Saharlarda” va “Qizil pomada” qo‘shiqlari bilan tanilgan yosh xonanda Dilnoz Hakimova ham sentyabr oyida jonli ijrodagi ilk yakkaxon konsert dasturini taqdim etadi. Chiptalarni 50 ming so‘mdan 400 minggacha bo‘lgan narxda xarid qilishingiz mumkin.

Sherzod Ergashev

Xonanda 1-oktyabr kuni ilk yakkaxon konsert dasturini taqdim etadi. Ahamiyatlisi, barcha qo‘shiqlar to‘liq jonliq ijroda kuylanadi. Konsert chiptalari 50 ming so‘mdan 400 minggacha sotilmoqda.

Dilmurod Sultonov

Xorazmlik xonanda Dilmurod Sultonov 2-3-oktyabr kuni konsert dasturini taqdim etadi. Uning konsert chiptalari ham xuddi shu narxda sotilmoqda.

Oybek Hamroqulov

Sog‘ligi sabab uzoq yil konsert berolmagan xonanda Oybek Hamroqulov 4-5-oktyabr kunlari yakkaxon konsert dasturini o‘tkazadi. Chipta narxlari 70 ming so‘mdan 400 ming so‘mgacha sotilmoqda. Faqat qo‘shiqlar fonogramma orqali ijro etiladi.

Konsta

Reper Konsta 12-oktyabr kuni yangi konsert dasturini taqdim etadi. Chiptalarni 100 mingdan 300 minggacha narxda xarid qilishingiz mumkin.

“Bravo” jamoasi

Kulgi jamoasi 12-oktyabrdan to 19-oktyabrga qadar yangi konsert dasturini namoyish etadi. Hozircha chiptalarni 40 ming so‘mdan 550 minggacha bo‘lgan narxda xarid qilishingiz mumkin.

Rafet el Roman

Turk estrada yulduzi Rafet el Roman 26-oktyabr kuni O‘zbekiston Milliy kino kino sanʼat saroyida konsert dasturini taqdim etadi. Chiptalar 250 mingdan 1 250 ming so‘mgacha narxda sotilmoqda.

Uzeyir Mehdizade

29-oktyabr kuni Ozarbayjon xonandasi Uzeyir Mehdizade yakkaxon konsert dasturini taqdim etadi. Chiptalar 100 mingdan bir milliongacha bo‘lgan narxda sotilmoqda.

Shoxrux

O‘zbek reperi Shoxrux 1-noyabr kuni “Bu safar boshqacha bo‘ladi” nomli konsert dasturini namoyish etadi. Konsert chiptalarini 100 mingdan 500 minggacha bo‘lgan narxda xarid qilishingiz mumkin.

Ulug‘bek Rahmatullayev

Xonanda 8—14-noyabr kunlari “Unutilmas noyabr” nomli konsert dasturini taqdim etadi. Chiptalar 70 mingdan 400 minggacha bo‘lgan narxda sotib olishingiz mumkin. Qo‘shiqlar fonogramma orqali ijro etiladi.

“Mirzo” teatri

Qiziqchi Mirzabek Xolmedov boshchiligidagi “Mirzo” teatri 17-20-dekabr kunlari “Sovuq tushdi, kulgi qarg‘alari qaytishdi” nomli konsert dasturini namoyish etadi. Chiptalar 30 mingdan 400 minggacha bo‘lgan narxda sotilmoqda.

“Sahar” guruhi

Guruh 25-26-dekabr kunlari yakkaxon konsert dasturini taqdim etadi. Chiptalarni 30 mingdan 400 minggacha bo‘lgan narxda xarid qilishingiz mumkin.

Yulduz Usmonova

Xonanda bu yilgi konsert dasturini 8— 27 fevralga qadar taqdim etadi. Hozircha chiptalar yetarli, ularni 50 mingdan 550 minggacha bo‘lgan narxda xarid qilishingiz mumkin.