Юлдуз Усмоновадан Рафет эл Романгача. Янги мавсумда кимлар концерт беради? (фото)

Ёзги таътилдан сўнг театр ва концерт томошаларининг янги мавсуми очилади. Хўш, яқин ойларда қайси хонандалар концерт беришади ва уларнинг чипта нархлари қанча?

Миржалол Неъматов

“Менга ўхшагани туғилмайди ҳеч” номли қўшиғи билан тингловчилар эътиборига тушган хонанда Миржалол Неъматов 16 сентябрь куни илк яккахон концерт дастурини тақдим этади. Чипта нархлари 40 минг сўмдан 400 минг сўмгача этиб белгиланган.

Дилноз Ҳакимова

“Дайди, “Саҳарларда” ва “Қизил помада” қўшиқлари билан танилган ёш хонанда Дилноз Ҳакимова ҳам сентябрь ойида жонли ижродаги илк яккахон концерт дастурини тақдим этади. Чипталарни 50 минг сўмдан 400 минггача бўлган нархда харид қилишингиз мумкин.

Шерзод Эргашев

Хонанда 1 октябрь куни илк яккахон концерт дастурини тақдим этади. Аҳамиятлиси, барча қўшиқлар тўлиқ жонлиқ ижрода куйланади. Концерт чипталари 50 минг сўмдан 400 минггача сотилмоқда.

Дилмурод Султонов

Хоразмлик хонанда Дилмурод Султонов 2-3 октябрь куни концерт дастурини тақдим этади. Унинг концерт чипталари ҳам худди шу нархда сотилмоқда.

Ойбек Ҳамроқулов

Соғлиги сабаб узоқ йил концерт беролмаган хонанда Ойбек Ҳамроқулов 4-5 октябрь кунлари яккахон концерт дастурини ўтказади. Чипта нархлари 70 минг сўмдан 400 минг сўмгача сотилмоқда. Фақат қўшиқлар фонограмма орқали ижро этилади.

Конста

Рэпер Конста 12 октябрь куни янги концерт дастурини тақдим этади. Чипталарни 100 мингдан 300 минггача нархда харид қилишингиз мумкин.

“Браво” жамоаси

Кулги жамоаси 12 октябрдан то 19 октябрга қадар янги концерт дастурини намойиш этади. Ҳозирча чипталарни 40 минг сўмдан 550 минггача бўлган нархда харид қилишингиз мумкин.

Рафет эл Роман

Турк эстрада юлдузи Рафет эл Роман 26 октябрь куни Ўзбекистон Миллий кино кино санъат саройида концерт дастурини тақдим этади. Чипталар 250 мингдан 1 250 минг сўмгача нархда сотилмоқда.

Узейир Меҳдизаде

29 октябрь куни Озарбайжон хонандаси Узейир Меҳдизаде яккахон концерт дастурини тақдим этади. Чипталар 100 мингдан бир миллионгача бўлган нархда сотилмоқда.

Шохрух

Ўзбек рэпери Шохрух 1 ноябрь куни “Бу сафар бошқача бўлади” номли концерт дастурини намойиш этади. Концерт чипталарини 100 мингдан 500 минггача бўлган нархда харид қилишингиз мумкин.

Улуғбек Раҳматуллаев

Хонанда 8—14 ноябрь кунлари “Унутилмас ноябрь” номли концерт дастурини тақдим этади. Чипталар 70 мингдан 400 минггача бўлган нархда сотиб олишингиз мумкин. Қўшиқлар фонограмма орқали ижро этилади.

“Мирзо” театри

Қизиқчи Мирзабек Холмедов бошчилигидаги “Мирзо” театри 17-20 декабрь кунлари “Совуқ тушди, кулги қарғалари қайтишди” номли концерт дастурини намойиш этади. Чипталар 30 мингдан 400 минггача бўлган нархда сотилмоқда.

“Саҳар” гуруҳи

Гуруҳ 25-26 декабрь кунлари яккахон концерт дастурини тақдим этади. Чипталарни 30 мингдан 400 минггача бўлган нархда харид қилишингиз мумкин.

Юлдуз Усмонова

Хонанда бу йилги концерт дастурини 8— 27 февралга қадар тақдим этади. Ҳозирча чипталар етарли, уларни 50 мингдан 550 минггача бўлган нархда харид қилишингиз мумкин.