Ostona va Olmaota xalqaro aeroportlarida jamoat salomatligi sohasidagi favqulodda vaziyatlarda harakat qilish bo‘yicha o‘quv mashg‘ulotlari o‘tkazildi. Bu haqda respublika Sog‘liqni saqlash vazirligi xabar berdi.
![](/static/2024/08/22/photo_2024-08-22_11-00-57-DXe514HS.jpg)
Mashg‘ulotlar maymunchechak kabi karantin va o‘ta xavfli infeksiyalar belgilariga ega shaxslarni aniqlashga qaratilgan. Ular davomida barcha asosiy xizmatlar: sanitariya-epidemiologiya, chegara, bojxona, shuningdek, aeroport xizmatlari, ichki ishlar bo‘limi, havo bandargohi tibbiyot punkti va tibbiyot muassasalari o‘rtasidagi hamkorlik ishlab chiqilgan.
![](/static/2024/08/22/photo_2024-08-22_10-57-15-a4bes3pl.jpg)
Yuqumli kasallikka shubha qilingan yo‘lovchilar aniqlanganda qanday harakatlar qilishga alohida e’tibor berilgan.
“Mashg‘ulotlar davomida maymunchechakka chalingan shartli bemor jalb qilindi. Xodimlar yo‘lovchida alomatlarni aniqlashdan tortib, uni shifoxonaga yotqizish va zarur epidemiyaga qarshi hamda dezinfeksiya tadbirlarini o‘tkazishgacha bo‘lgan to‘liq chora-tadbirlarni amalga oshirdi”, deyiladi SSV xabarida.
![](/static/2024/08/22/photo_2024-08-22_10-59-02-ypDrDOSU.jpg)
Mashqlar davomida barcha xizmatlar yuqori darajadagi tayyorgarlikni sinovdan o‘tkazgan, yakunida idoralararo hamkorlikni kuchaytirish bo‘yicha tavsiyalar berilgan.
Izoh (0)