Hindistonning eng yirik vaksina ishlab chiqaruvchisi Hindiston Serum instituti (SII) yil oxirigacha Mpox virusiga (maymunchechakning yangi nomi) qarshi vaksina ishlab chiqarishni rejalashtirmoqda.
Biz ushbu kasallikka qarshi vaksina yaratish ustida ishlamoqdamiz. Umid qilamizki, joriy yil oxirigacha ijobiy natijaga erishiladi, deya nashr SII direktori Adar Ponavalladan iqtibos keltiradi.
Nashrga ko‘ra, Punedagi Milliy virusologiya instituti Hindistonda 2022-yilda maymunchechak bilan kasallangan 30 ta holat qayd etilgan Mpox namunalarini o‘rganish bo‘yicha mamlakatdagi yetakchi tibbiy muassasaga aylangan.
Avvalroq Hindiston hukumati mpox tarqalishi xavfi tufayli aeroportlar, dengiz portlari va Bangladesh hamda Pokiston bilan chegaralarda hushyorlikni kuchaytirgan edi.
Jahon sog‘liqni saqlash tashkiloti 2022-yil iyul oyida maymunchechak epidemiyasini xalqaro tashvishga soladigan favqulodda holat deb e’lon qilgan edi. Hindistonda Mpox infeksiyasining oxirgi holati 2024-yil mart oyida aniqlangan. Mamlakat bosh vaziri Narendra Modi idorasi maʼlumotlariga ko‘ra, hozirda Hindistonda maymunchechak bilan kasallanish holatlari qayd etilmagan.
Maymunchechak — yuqumli kasallik bo‘lib, yuqori harorat, limfa tugunlarining kattalashishi va toshma toshishi bilan xarakterlanadi. Kasallik 1980-yildan beri davosi topilgan deb hisoblangan oddiy suvchechakka o‘xshaydi, ammo undan farqli o‘laroq, yuqish ehtimoli kamroq va osonroq kechadi.
Ushbu virusning ikkita shtammi mavjud: Clade I va Clade II. Birinchi shtamm bilan zararlangan har 10 kishidan 1 nafari vafot etadi. 2022—2023-yillardagi epidemiya Clade II tomonidan qo‘zg‘atilgan bo‘lib, u bilan kasallangan bemorlarning 99 foizi omon qoladi.
Izoh (0)