AQSHning qiruvchi samolyotlari ortilgan Abraham Linkoln aviatashuvchisi Yaqin Sharqqa kirdi. Bu haqda AQSH Qurolli kuchlari Markaziy qo‘mondonligi xabar berdi.
“Avraam Linkoln” kelishi bilan Yaqin Sharqda bir vaqtning o‘zida ikkita Amerika aviatashuvchisi paydo bo‘ldi, chunki u yerda allaqachon “Teodor Ruzvelt” boshchiligidagi guruh mavjud edi. Yangi kelgan guruh esa uning o‘rnini egallashi kerak.
“F-35C va F/A-18 Blok III qiruvchi samolyotlari bilan jihozlangan “Avraam Linkoln” (CVN 72) samolyot tashuvchi kemasi AQSH Markaziy qo‘mondonligi masʼul hududga kirdi”, deyiladi bayonotda.
Oq uyga ko‘ra, AQSH prezidenti Jo Bayden Isroil bosh vaziri Binyamin Netanyaxu bilan telefon orqali suhbatlashgan. Ular AQSHning Isroil mudofaasini Eronning barcha tahdidlaridan, jumladan HAMAS, “Hizbulloh” va husiylardan himoya qilish bo‘yicha faol va davom etayotgan sa’y-harakatlarini muhokama qilgan.
“Avraam Linkoln” guruhi yetib kelguniga qadar mintaqadagi keskin vaziyat sababli AQSHning 12 ta harbiy kemasi Yaqin Sharqda bo‘lgan. Shuningdek, AQSH Alyaskadan Yaqin Sharqqa, ehtimol Iordaniyaga 12 ta beshinchi avlod F-22 Raptor qiruvchi samolyotlarini jo‘natgani haqida ma’lumotlar bor.
Izoh (0)