Yaponiyadagi Yangi Titose aeroportida kutish joyidagi do‘konlardan birida 17-avgust kuni xodimlar ishlatgan qaychi g‘oyib bo‘lishi natijasida 36 ta reys bekor qilingan, yana 201 tasi kechiktirilgan.
CNN maʼlumotlariga ko‘ra, aeroport maʼmuriyati qaychi ehtimoliy terrorchi tomonidan o‘g‘irlangan va samolyot bortida qurol sifatida ishlatilishi mumkin deb taxmin qilgan. Xavfsizlik xodimlari ikki soat davomida qidiruv ishlari olib borgan. Ba’zi yo‘lovchilar qayta xavfsizlik tekshiruvidan o‘tkazilgan.
Yo‘lovchilar orasida yaponiyalik 9mm Parabellum Bullet rok guruhi a’zolari ham bo‘lgan. Aeroportdagi kechikishlar tufayli ular Xokkaydoda har yili o‘tkaziladigan Rising Sun musiqa festivalida chiqishlarini o‘tkazib yuborgan.
Qaychi faqat ertasi kuni, 18-avgust kuni ertalab topilgan, deb yozadi Nikkan Sports gazetasi.
Ularni o‘sha do‘konda uning xodimi topib olgan.
Izoh (0)