Ukraina va Rossiya bir-biriga qarshi keng ko‘lamli hujum operatsiyalarini o‘tkazish uchun harbiy resurslarga ega emas. Bu haqda Pentagon razvedka boshqarmasiga tayanib, Bloomberg xabar berdi.
Razvedka boshqarmasining hisob-kitoblariga ko‘ra, Ukrainada hali ham Rossiyaning kuniga 10 000 ga yaqin artilleriya o‘qlarini otish qobiliyatiga teng keladigan o‘q-dorilar mavjud emas. Ukraina kuchlari mudofaa operatsiyalarini o‘tkazishga qodir, ammo kamida olti oy davomida keng ko‘lamli qarshi hujumlarni o‘tkaza olmaydi.
Boshqa tomondan, Rossiya Ukrainani yo‘q qilish strategiyasini qabul qilgan va o‘z qo‘shinlari tomonidan qo‘lga kiritilgan bufer zonani ushlab turishi mumkin, ammo “Ukraina nazorati ostidagi hududga chuqurroq kirib borish bilan tahdid qilish uchun yetarli kuchga ega emas”.
Mudofaa razvedka boshqarmasining xulosalari Pentagon bosh inspektori Robert Storch tomonidan e’lon qilingan AQSHning Ukrainaga yordami haqidagi so‘nggi choraklik hisobotiga kiritilgan.
- Avvalroq Chexiya mudofaa vaziri Yana Chernoxova Rossiyaning Yevropa Ittifoqidagi muzlatilgan aktivlaridan tushgan mablag‘ning bir qismi Ukraina uchun o‘q-dorilar xarid qilish va yetkazib berishga yo‘naltirilishini aytgan edi.
Izoh (0)