O‘zbekiston bosh konsulxonasi ko‘magida Rossiyaning Penza viloyatida qarovsiz qolib ketgan o‘n to‘rt yoshli o‘zbekistonlik bola vatanga qaytarildi. Bu haqda “Dunyo” xabar berdi.
![](/static/2024/08/21/bq-DE8PH8ur.webp)
Maʼlum qilinishicha, mamlakatning Qozon shahridagi bosh konsulxonasi, Toshkent shahar Ichki ishlar bosh boshqarmasining “Voyaga yetmaganlarga ijtimoiy-huquqiy yordam ko‘rsatish markazi” va Penza viloyati ombudsmani bilan birgalikda ushbu viloyatda qarovsiz qolib ketgan o‘zbekistonlik voyaga yetmagan R.L.ni mamlakatga qaytarish bo‘yicha ishlar yakunlandi.
R.L. 19-avgust kuni diplomatlar, Toshkent shahar Ichki ishlar bosh boshqarmasining “Voyaga yetmaganlarga ijtimoiy-huquqiy yordam ko‘rsatish markazi” ko‘magida Qozon–Moskva–Toshkent aviaqatnovi bilan O‘zbekistonga kuzatib qo‘yildi.
Avvalroq Rossiyada ota-ona qaramog‘isiz qolgan bir guruh o‘zbekistonlik bolalar 14-avgust kuni Novosibirskdan vatanga qaytarilgani xabar qilingandi. Ota-onasi turli sabablarga ko‘ra, ularning tarbiyasida ishtirok eta olmagan jami sakkiz nafar bola O‘zbekistonga sog‘-salomat yetib kelgan.
Izoh (0)