Rossiyada ota-ona qaramog‘isiz qolgan bir guruh o‘zbekistonlik bolalar 14-avgust kuni Novosibirskdan vatanga qaytarildi, deb xabar bermoqda “Dunyo” axborot agentligi.
![](/static/2024/08/16/photo_2024-08-16_09-08-43-9RPBwR0t.jpg)
Ma’lum qilinishicha, bosh konsulxona ko‘magida Novosibirsk, Irkutsk, Krasnoyarsk va Vladivostok shaharlarida qarovsiz qolgan 14 yoshgacha bo‘lgan O‘zbekiston bolalari Sibir poytaxtiga to‘plandi.
“Qayd etish joizki, bosh konsulxona Rossiya tomonidan zarur hujjatlarni imkon qadar tezroq olish uchun barcha imkoniyatlarni ishga soldi. Shuningdek, bolalarni issiq ovqat bilan o‘z vaqtida ta’minladi”, deyiladi xabarda.
Ayni paytda ota-onasi turli sabablarga ko‘ra, ularning tarbiyasida ishtirok eta olmagan jami sakkiz nafar bolajon O‘zbekistonga sog‘-salomat yetib olgan.
Izoh (0)