Rossiyada qiyin ahvolda qolgan o‘zbekistonliklar vatanga qaytarildi

Rossiyaning Xabarovsk o‘lkasida qiyin ahvolda qolgan o‘zbekistonliklar vatanga qaytarildi. Bu haqda Tashqi mehnat migratsiyasi xabar berdi. 

Ma’lum qilinishicha, Tashqi mehnat migratsiyasi agentligining Rossiyadagi vakillari hududlaridagi turli korxonalarda bo‘lib, ish beruvchilar va mehnat migrantlari bilan uchrashuvlar o‘tkazdi. Tuladagi “TKT Tulskiy” korxonasida ishlayotgan o‘zbekistonliklar va ularning ish beruvchisi bilan uchrashuv tashkil etildi.

Qayd etilishicha, Xabarovsk o‘lkasida qiyin ahvolda qolgan fuqarolar Xabarovsk—Toshkent yo‘nalishidagi aviareys orqali O‘zbekistonga qaytarildi. Volgogradda vaqtinchalik mehnat faoliyatini amalga oshirayotgan yurtdoshlarga huquqiy yordam ko‘rsatiladi. 

Tulada ishlayotgan fuqaroning ish haqi undirib berilib, mazkur hududdagi “EkoStroy” qurilish korxonasiga ishga joylashtirib qo‘yildi.