Ўзбекистонда 1 август ҳолатига кўра 293 411 та МЧЖ фаолият юритмоқда

2024 йил 1 август ҳолатига кўра Ўзбекистонда жами 293 411 та масъулияти чекланган жамиятлар фаолият юритмоқда. Бу ҳақида Статистика агентлиги хабар берди.

Масъулияти чекланган жамиятлар иқтисодий фаолият турлари бўйича қуйидагича миқдорда:

савдо соҳасида — 108 546 та;

саноат соҳасида — 43 136 та;

қурилиш соҳасида — 26 197 та;

қишлоқ, ўрмон ва балиқчилик хўжалиги соҳасида — 25 828 та;

яшаш ва овқатланиш бўйича хизматлар соҳасида — 15 629 та;

ташиш ва сақлаш соҳасида — 14 873 та;

ахборот ва алоқа соҳасида — 8 454 та;

соғлиқни сақлаш ва ижтимоий хизматлар кўрсатиш соҳасида — 6 806 та;

бошқа соҳаларда — 43 942 та.

Аввалроқ Статистика агентлиги 2024 йилнинг январь–июнь ойлари якунларига кўра, Ўзбекистонда аҳоли жон бошига ҳисобланган ялпи ички маҳсулот ҳажми жорий нархларда 15 347,9 минг сўмни (ёки 1 221,3 АҚШ доллари эквивалентида) ташкил этганини маълум қилганди.

Маълумот учун, 2023 йилнинг январь–июнь ойларида ушбу кўрсаткич 13 088,6 минг сўмни (ёки 1 149,3 АҚШ доллари эквивалентида) ташкил этган.