Myunxenning “Bavariya” klubi darvozaboni Manuel Noyer Germaniya terma jamoasidagi faoliyatini yakunlaganini e’lon qildi. Darvozabon o‘z qarorini ijtimoiy tarmoqlar orqali ma’lum qildi.
Avvalroq, OAVda Noyer 2026-yilgi jahon chempionatigacha Germaniya terma jamoasida qolish niyatida ekani haqida ma’lumotlar paydo bo‘lgandi.
Shu bilan birga, Noyer sentyabr oyida bo‘lib o‘tadigan Millatlar Ligasi o‘yinlarida jamoa safida bo‘lmaydi. Kuzda Germaniya Millatlar Ligasi guruh bosqichida Gollandiya va Vengriya bilan o‘ynaydi.
Ma’lumot uchun, Manuel Noyer 2009-yildan buyon Germaniya terma jamoasi safida 124 ta o‘yin o‘tkazgan.
Transfermarkt portalida berilgan ma’lumotlarga ko‘ra, 38 yoshli germaniyalik futbolchining bozor qiymati 4 million yevroni tashkil qiladi.
Germaniyalik yana bir futbolchi Toni Kross ham Yevro—2024 musobaqasidan so‘ng faoliyatini yakunlaganini e’lon qilgandi.
Izoh (0)