“Real Madrid” va Germaniya terma jamoasi yarim himoyachisi Toni Kroos 2024-yilgi Yevropa chempionatidan so‘ng faoliyatini yakunlaydi. Bu haqda jurnalist Florian Plettenberg X (sobiq Twitter) ijtimoiy tarmog‘idagi sahifasida xabar berdi.
Eslatib o‘tamiz, germaniyalik futbolchi 2014-yildan buyon “qirollik klubi” safida to‘p suradi. Bu davrda u barcha musobaqalarda 463 ta uchrashuvda qatnashgan (28 gol va 98 golli uzatma). Avvalroq futbolchi “Bavariya” va “Bayer” klublarida ham o‘ynagan.
34 yoshli Kroos joriy mavsumda barcha turnirlarda 45 ta o‘yinda maydonga tushib, 1 ta gol va 8 ta golli uzatmaga mualliflik qilgan. Transfermarkt portalida berilgan ma’lumotlarga ko‘ra, futbolchining bozor qiymati 12 million yevroni tashkil qiladi.
Eslatib o‘tamiz, 2024-yilgi Yevropa chempionati Germaniyada bo‘lib o‘tadi. Turnir 14-iyundan 14-iyulga qadar davom etadi.
Izoh (0)