Мюнхеннинг “Бавария” клуби дарвозабони Мануэль Нойер Германия терма жамоасидаги фаолиятини якунлаганини эълон қилди. Дарвозабон ўз қарорини ижтимоий тармоқлар орқали маълум қилди.
Аввалроқ, ОАВда Нойер 2026 йилги жаҳон чемпионатигача Германия терма жамоасида қолиш ниятида экани ҳақида маълумотлар пайдо бўлганди.
Шу билан бирга, Нойер сентябрь ойида бўлиб ўтадиган Миллатлар Лигаси ўйинларида жамоа сафида бўлмайди. Кузда Германия Миллатлар Лигаси гуруҳ босқичида Голландия ва Венгрия билан ўйнайди.
Маълумот учун, Мануэль Нойер 2009 йилдан буён Германия терма жамоаси сафида 124 та ўйин ўтказган.
Transfermarkt порталида берилган маълумотларга кўра, 38 ёшли германиялик футболчининг бозор қиймати 4 миллион еврони ташкил қилади.
Германиялик яна бир футболчи Тони Кросс ҳам Евро—2024 мусобақасидан сўнг фаолиятини якунлаганини эълон қилганди.
Изоҳ (0)