SpaceX kosmosga sayyohlarni olib chiqishni boshlaydi

SpaceX tarixida birinchi marta sayyohlarni keyingi haftada ochiq kosmosga jo‘natadi. Bu haqda CNBC xabar berdi.

Agar hammasi rejaga muvofiq ketsa, missiya 26-avgust kuni Floridadan parvozni amalga oshiradi. Bu Polaris Dawn deb nomlangan uchta parvozdan birinchisi bo‘ladi. Polaris missiyasiga amerikalik tadbirkor, milliarder va Shift4 kompaniyasi asoschisi Jared Ayzekman boshchilik qiladi. U SpaceXning uchta kosmik parvozini sotib olgan.

Unga uzoq yillik hamkasbi va havo kuchlarining sobiq uchuvchisi Skott Potet uchuvchi sifatida, shuningdek, SpaceX xodimlari Anna Menon va Sara Gillis hamrohlik qiladi.

Bo‘lajak kosmik sayyohlarning o‘zlari tayyorgarlik jarayoni haqida X ijtimoiy tarmog‘ida ma’lumot bergan.

The countdown is on!
Shift4 CEO Jared Isaacman is headed back to space as part of an all-civilian crew on the Polaris Dawn mission.
Catch the full interview on @MorganLBrennan's #ManifestSpace podcast@SpaceX #PolarisDawn #space pic.twitter.com/I0Qn4GAoOQ

— CNBCOvertime (@CNBCOvertime) August 16, 2024

Parvoz besh kun davom etadi, koinotga chiqish esa uchinchi kuni bo‘ladi. Ochiq koinotga chiqish vaqtida proyeksion displeyli yangi skafandrlardan foydalaniladi.

Xalqaro kosmik stansiyada uch oydan beri bo‘lib turgan amerikalik astronavtlar Barri Uilmor va Sunita Uilyams esa 2025-yilda Yerga qaytishlari mumkin.