Kollektiv xavfsizlik shartnomasi tashkiloti (KXSHT) yaqin kunlarda Markaziy Osiyoda mintaqada barqarorlikni himoya qilish bo‘yicha bir qator mashg‘ulotlar o‘tkazadi. Bu haqda MDH mamlakatlari birinchi departamenti direktori Mikael Agasandyan xabar berdi.
“Rossiya nafaqat a’zo davlatlarda, balki keng Yevrosiyo makonida ham barqarorlikni saqlash uchun mas’ul bo‘lgan samarali tuzilma sifatida KXSHT salohiyatini rivojlantirish bo‘yicha izchil sa’y-harakatlarni amalga oshirmoqda.
Kelgusi haftalarda Qozog‘iston, Qirg‘iziston va Tojikiston hududida tashkilot kollektiv kuchlarining turli tarkibiy qismlari ishtirokida Markaziy Osiyo mintaqasida barqarorlikni, jamoaviy xavfsizlikni himoya qilish bo‘yicha, xususan, Afg‘onistondagi vaziyatni hisobga olgan holda qo‘shma harakatlarni amalga oshirishga qaratilgan bir qator o‘quv mashg‘ulotlari rejalashtirilgan”, dedi Agasandyan.
U, shuningdek, mintaqada yagona, bo‘linmas va ishonchli xavfsizlik makonini yaratish muhimligi to‘g‘risidagi fikrni qo‘llab-quvvatlaydigan bir qator Yevrosiyo davlatlari tomonidan KXSHT faoliyatiga qiziqish mavjudligini aytdi.
Izoh (0)